نصيحه ......(إسأل مجرب وماتسألش طبيب)

في الاول عايز اقترح ان كل واحد هنا يقول نصيحه من خلال تجاربه في حياته علشان كلنا نتعلم من بعض بما اننا في المنتدى بتاعنا

انا كنت زمان نفسي اخلص دراسه rabbit

ومستني امتى ادخل اعدادي واخلص وادخل ثانوي واجيب مجموع علشان ادخل الكليه اللي انا نفسي فيها What a Face

اكيد مدخلتهاش Crying or Very sad

بس ربنا كرم ودخلت حاجه كويسه Smile

واخيرا

خلصت دراسه....... afro

المشكله اني دلوقتي بدور على كورسات confused

وعايز اعمل دبلومه confused

وبقيت انا اللي بدور على الدراسه affraid

........ بس للاسف

بعد ايه بعد خراااااااااب مالطه bom

والمشكله اني مابقتش زي الاول فاضي Sad

وكمان مش بستحمل اقعد اذاكر Idea

مع ان المعلومه بتبقى اسهل كتير وسهل اني افهمها بسرعه بس نقول ايه بقى Crying or Very sad

نصيحه لكل واحد لسه مخلصش دراسه ابذل قصارى جهدك study

علشان يبقى معاك سلاح في وقت العلم هو السلاح الوحيد اللي هيخليكي في وضع عمرك ما كنت بتحلم بيه king

اما

او

والنصيحه دي طبعاً مش للي مستني وسطه elephant

او بمعنى اصح عايز يعتمد على نفسه Cool

وبيبص على الوسطه انها حاجه حرام Exclamation

لانك ممكن تاخد مكان واحد احق منك بالمكان واحد تعب وذاكر واجتهد وتعب حتى في الاجازه علشان ياخد كورسات انجليزي وكورسات كمبيوتر اللي من غيرهم تبقى عاااااااااااااااطل بمعنى الكلمه في اي مجال واي مكان

موضوع هايل اوى يا حوده

ايوه كده عاوزين النصايح من الناس الكبيره والخبره ديه

مستنين بقيت النصايح

عندك حق والله فى الكلام ده
فعلا انا مش حسيت بالموضوع ده الا لما ضيعت 3 سنين فى دراستى Evil or Very Mad

.....بس لحقت شويه فى الاخر Rolling Eyes

بس فى امل يعنى

لسه قدامى سنتين كمان الحق نفسى فيهم bounce

.............ان شاء الله يعنى
وشكرا على النصيحه lol!

والله موضوع كويس أوي، وفكرة جامدة فحت،

بس بصراحة أنا مش شايفاك كبير أوي كده والعمر جري وعايز اخد كورسات ومش فاضي

إيه ياعم الكلام الكبير ده،

انت هتمثل، وانتوا ياجماعة وهمتوه ليه كده، محسسني إنه جدو، وعلى كده أبقى أنا تيته

بص يامحمود، اللي عايز حاجه بيعملها ، وانت بنفسك قلت إن استيعابك للمعلومة دلوقت

أسرع من الأول ، وده طبعا بحكم الخبرة فالتعليم يعني بعد 14 سنة خدمة لازم تكون بتعرف تذاكر وتلخص المعلومة إزاي،

من تجربتي فالموضوع ده ، نصيحتي ليك إنك لسه صغير أوي على الإحباط ، والحق نفسك وإبدأ الكورسات إذا كنت فعلا محتاجها، انت عارف وكلنا عارفين ان شغل البنوك ده مش دايم خصوصا فوجود بتوع الكوسه، وانت عارف بقى الكوسه كتير فالسوق ورخيييييصاااااااااااا

شوف إيه انفع لمستقبلك سواء كورسات وخصوصا ICDL أو الدبلومة،

انا بنت ومريت بنفس تجربتك بس بعد ماخلصت اخدت الكورس على طول ودلوقت بمتحن والناس كلها عارفة "بس ربنا يستر علشان اذا سقطت هيبقى شكلي وحش أوي" وبشتغل فنفس الوقت وبعمل نشاط عالمنتدى معاكوا

ياجماعة، الحياة بتجري، استغلوا شبابكوا عشان مستقبلكوا "فمن جار على شبابه جارت عليه شيخوخته" ، احنا بجد مطحونين, الدنيا كل يوم بتجري واحنا لسه فالأخر ومحتاجين كتير أوي أكتر من النصايح عشان نوصل.

حديث الثلاثاء/ إعداد وتقديم المطحونة شيراز

انتي صح ياشيراز بس لو كنا بناخد كورسات من ساعه لما كنا في الدراسه واخدنا الدراسه بجد من اولها ماكنش في ناس لحد دلوقتي بتشتغل ب 250 ج في الشهر ولا ايه؟

انا منكرش اني كنت ممكن اكون من الناس ديه بس مانكرش ان الحظ ودعوات بابا وماما من بعد ربنا طبعا ساعدتني كتيييييييييير

انا مكنتش احلم اني اشتغل في بنك اكتر حاجه كنت بحلم بيها اني ابقى محاسب في شركه كبيره بعد اللي انا شوفته طبعا في الكليه والبهدله اللي اتبهدلتها في اسلوب التعليم بتاعنا(بتاع مصر مش المنتدي) Laughing

ع العموم انا مش بقول ده كله علشان اتكلم على الكورسات والدبلومه انا بتكلم علشان الواحد لازم ياخد باله من دراسته ولازم يتسلح باللغه والكمبيوتر قبل ما يتخرج علشان لما يتخرج مايتصدمش بالواقع

وعموما انا على فكره خلصت كورسات كمبيوتر وشغال في الانجليزي( عقدتي في حياتي) انا وصلت للمستوى 3من6 في المحادثه في ال AUC

بس ده طبعا بعد ماضيعت مني كذا مقابه في كذا مكان وبعدين حسيت اني لازم اخلص الكورسات واخد دبلومه

بس لو كان الواحد خدها من بدري كان طبعا هايبقى موقفه احلى بكتير

عموما الحمد لله على اللي احنا فيه انا كده مبسوط 100 فل و 14

بس برده عملت ده كله واشتغلت في مكان ماكنتش احلم بيه وبرده مش عارف اجيب شقه Sad

يالا هحاول امسك ايدي من المصاريف Smile

انت مصرف

مصرف ولا مش مصرف

بس حلوه اوى بتاعت التعليم بتاعنا (مصر مش المنتدى)

عندك حق يا بيرو حلوة، وحلوة كمان 100 فل و14 الاختصارات مفيده برضه،

بس بلاش تشريد ، مش عشان انت معاه فالشغل يعني،

بس على فكرة انت طلعت طحين يامحمود وauc وكلام جامد اهو

دانا فكرت فيها 100 مرة وماجرئتش عليها لحد دلوقتي،

امال حسستني باليأس ليه فكلامك

شكلك بتداري على فرختك ......

لو تلاحظ اني كتبت فالمحضر بتاعي إن أمنيتي إني اكون مترجمة فورية وده شبه مستحيل

وده بسبب كلامك

انت عندك حق مفيش كلاااااااااااااام

بس بالله عليك بلاش "إسراف" وقضيها جمعيات،

واخد بالك يابيرو من اللي بين القوسين؟

انا بحب مصر

حلو قوى الكلام ده

بس اسمحولى الموضوع عمره ما كان فى كورسات كمبيوتر فى المطلق كده ( و كان الكومبيوتر بيعمل 4 حاجات لما تعرفهم تبقى عديت ) ولا برضه كورسات انجليزى ( وكانها حقن لما تاخدها مرتين فى الاسبوع هتخف و تبقى بتعرف تتكلم انجليزى)
الناس اللى فى العالم كلها عارفه ان التعليم بيروح مع عدم الاستعمال
يعنى خد 50000 كورس و ادى دقنى لو فلحت
بايخه مش كدا
الموضوع فى انتا عايز تبقى ايه؟ هدفك ايه؟
و بعدين تسال نفسك سوال مهم قوى طيب هوا ايه اول خطوه فى طريق الهدف؟
بمعنى لو انا عايز ابقى مخرج مثلا يبقى اول حاجه لازم اعملها هيا انى ابقى مساعد مخرج تحت التمرين
طيب عرفت اول خطوه فى طريقى ايه
لازم اعرف بعد كده الراجل اللى بيشتغل اول خطوه ده ايه مؤهلاته
يعنى مساعد المخرج تحت التمرين لازم يكون بيحب الفرجه على الافلام و يعرف معلومات بسيطه عن السينما و يعرف شويه اخراج نظرى و فاهم يعنى ايه كادر و فريم و مين بيشتغل ايه و ايه الفرق بين السينما و الفيديو فى التصوير عشان ميبقاش واقف زى الحمار
طيب بعدين تسال نفسك سوال تانى اسخف من اللى قبله انتا عندك ايه من موهلات اول سلمه؟؟؟؟؟؟
و تعرف محتاج ايه عشان تقريبا تبقى مناسب لاول سلمه؟
طيب جميل قوى بعد ما عرفت
- انتا عايز تبقى ايه ( الحلم)
- ايه اول سلمه فىطريقك
- ايه مؤهلات اول سلمه
- انتا عندك منها ايه و فاضلك منها ايه
تسال نفسك سوال حلو اوى اللى هوا " انتا ليك سكه فى الشغلانه دى "
و هيا دى مرحله الواسطه اللى هيا مش واسطه قوى قد ما هيا سعى لانك لازم فى الاول تاخد اللى يجيلك
بمعنى
انا عمرى ما اشتغلت فى السينما قبل كده و لا فى اى حد من عيلتى بتشتغل فى السينما ولا فى اى بنى ادم اعرفه من قريب او من بعيد بيشتغل فى السينما ولا اعرف مكان معهد السينما فين
يبقى اكيد الموضوع مش سهل انى ادخل مجال السينما و قيس على ذلك كل الشغلانات
بس غالبا هتلاقى حد تعرفه بيشتغل فى المجال اللى انتا عايز تدخله
و ممكن تحاول اكتر تنخور بس لو عايز سكه هتوصلها و ده حقيقى و الله و مش تهريج لان ربنا هوا اللى قالنا كده
انا مش عارف نص الايه بس ما معناه ان اللى هيعوز حاجه و يقضى حياته كلها بيجرى وراها هيوصلها
ان الله لا يضيع اجر من احسن عملا
على فكره المبدا ده ايا كان الحاجه دى حرام ولا حلال او فى مصلحتك او هتضرك بس لو حاربت عشان توصل لحاجه هتوصلها
طيب بعد ما عرفت مين اللى ممكن يديلك التذكره عشان تدخل
و بقيت جاهز انك تدخل معرفيا و مهاريا
يبقى ادخل يا وحش طريقك مفتوح
بس صدقنى لو لعبت برضه على فكره كورسات كمبيوتر و انجليزى هتفشل بعد اسبوع
ليه بقى ؟
هاقولكوا المره الجايه عشان انا طولت و الناس اكيد زهقت

على فكره اتا الموضوع بتاعك يا مغربى جامد جدا ويا ريت تكتب تانى عشان احنا عاوزين الحاجات الجامده دى عشان احنا نستفاد منها وياريت متنسناش بالمواضيع الجامده دى

اشكرك جدا يا قلاظه
والله فعلا دا كان اكتر رد زعلت ان مكنش عليه اى تعليق و ان شاء الله
هبعت تانى تكمله للى كنت بقوله بس الموضوع محتاج انى ابقى فايق وانا دلوقتى مش مركز خالص