وصيتي...قبل الاعتقال

أبعث إليكم بأشواقي وتحياتي .. قبل سويعات من الاعتقال .. الذي تأكد لي خبره .. وطار أمره ...
ثلاثون يوما بعيدا عنكم بعد أن كنت معكم على مدار العام ..
ولعل عزائي أن فيكم من سيعوض غيابي ويسد فراغي من اللئام..

لا يخفاكم ما حدث في رمضان الماضي ... فعلى الرغم من كل الجهود الذي بذلتها معكم وكل الأفكار التي صببتها في آذانكم .. فقد رأينا الملايين من كل مكان يرتادون المساجد .. والملايين يرتدين الحجاب .. وكنت أنا وقتها في معتقلي أكتوي بنار الغضب ... فهذا جهد عام مع تلك الفتاة الضائعة يضيع في ليلة القدر ... وهذا الذي ما تركت كبيرة إلا وأوقعته فيها تنزل من عينه دمعة تطفئ غضب الرب عليه وتفتح باب التوبة إليه ..

يا شياطين الإنس

في خضم غياب فارسكم، أمامكم دور كبير .. فافعلوا ما تؤمرون ..
أريدهم في رمضان لا يعرفون سوى السهر حتى الصباح في الخيام الرمضانية ..
والنوم حتى موعد وجبة الإفطار الشهية .. حتى تمتلأ بطونهم وكروشهم المتدليّة ..
ثم أتموا عليهم بنعمة البرامج التلفزيونية ...
نريد رقصا .. نريد هجصا .. نريد شهوة .. نريد نزوة .. نريد أفكارا إبليسية ..
ولا تنسوا حتى تكتمل التمثيلية .. اختموا بثكم بالتلاوات القرآنية ..

يا شياطين الإنس ...

أكثروا من اللقاءات مع الفنانات والراقصات وكل جميلة فتيّة.
ليحدثوهم عن روحانية رمضان وما يقمن به من نضال على عتبات المسارح والمراقص الهرمية..
نريد الجميع أن يتحدث عن ذلك المسلسل اليومي .. والفيلم الأسبوعي .. والمسرحية النصف شهرية ..
نريد مباريات كروية وأغان عربية وقنوات فضائية .. لا أريد أن أرى أحدكم يتوقف ولو لثانية .. فكما تعلمون وقتنا غال وأهدافنا دنيّة ..

يا شياطين الجن ...
أتريدون لهم أن يدخلوا الجنة التي حرمنا حتى من شم رائحتها النديّة ؟
أتريدون أن تمر عليهم لحظات توبة فيضيع كل ما بذلناه في عشرات السنين الضنيّة ..
أما حذرتكم أن من أدرك منهم ليلة القدر غفر له كل ماضيه والبقية !
لا وألف لا .. خبتم وخسرتم إذا فعلتم .. ستستبدلون بغيركم أيها الأباليس الغثائية ..
ألا تريدون للجحيم سكانا ؟ وللدرك الأسفل رعيّة ؟
أما من أحباب لسقر .. والشجرة الزقومية ..
أين قلوبكم الميتة .. وعقولكم الشيطانية ..

أما أنت يا حواء ..

فدورك في الأمة فعّال .. فأنت أقوى مخدّر للرجال ..
أعلق عليك الآمال .. فأنت الجواب لكل سؤال ..
نريد سهرة .. نريد رقصة وضحكة ... نريدها باختصار .. إثارة ومتعة ..
اطرحي التراويح جانبا .. وانسي ثواب القائمة .. ألا يكفي يا حبيبتي أنك صائمة ؟!

يا بني آدم أجمعين ...
اسمعوا لي فما أنا لكم إلا ناصح أمين ..
لا تهتموا في رمضان إلا بكل لذيذ سمين ..
ولتنسوا الصلاة لرب العالمين .
وإياكم وقراءة آيات الذكر الحكيم .. فإنه المنكر الأثيم .. في منطق سكان الجحيم ..
رمضان سيتكرر سنينا بعد سنين .. فتوبوا حينها لرب غفور رحيم ..
التوقيع ... إبليس اللعين

إيه ياجماعة،

انتوا كلكوا ناويين تنفذوا الوصية واللا إيه،

أنا عن نفسي هبدأ برفضها، من داخل قلبي،

أعوذوا بالله من الشيطان الرجيم

إخسأ يا إبليس يا لعين ، ويا بني آدم آجمعين، توبوا إلى رب العالمين،

فما إبليس إلا منبوذ لعين، وهذه فرصتكم فقد حرم الله عليكم الشهوات

في الشهر الكريم، الحلال منها قبل الأثيم، فلتكونوا عبادا وإماءا طائعين

وأنا أولكم قد تبت لله رب العالمين.

عدد الرسائل : 6 العمر : 35 تاريخ التسجيل : 05/09/2007

(و إن النفس لأمارة بالسوء)
فالجهاد الحقيقى هو جهاد الانفس وليس جهاد الشياطين إذا تغلبت على نفسك
فهذا هو الجهاد الاكبر وهو أعلى مرتبه من الجهاد فى سبيل الله[/b]

ان شاء الله انا ناوى اكسر كل حاجه وحشه باعملها
مبتدا بشهر رمضان الكريم ان شاء الله

اعوذ بالله من الشيطان الرجيم

Anas_bart كتب:: (و إن النفس لأمارة بالسوء)
فالجهاد الحقيقى هو جهاد الانفس وليس جهاد الشياطين إذا تغلبت على نفسك
فهذا هو الجهاد الاكبر وهو أعلى مرتبه من الجهاد فى سبيل الله[/b]

وانا بضم صوتى لصوتك يا bart وبردوا ده ميمنعش ان ابليس ليه دور كفانا اله شره أعوذ بالله الرحيم من الشيطان الرجيم اللهم انى استغفرك زاتوب اليك

احلى حاجه فى الموضوع انه طلع الناس اللى بتشتغل فى التليفزيون السبب فى ان كل الناس هتخش النار
حلو جدا طمنتينى على مستقبلى انا رايح البس بدله الجنديه
على فكره كل الناس اللى بتشتغل فى الميديا هيا اقل ناس بتتفرج عليها
بس فعلا انا اقر بان ناس كتير من اللى فى الميديا الدين مش من اولوياتهم و المكسب اهم
بس والله انا شفت منهم ناس بتصلى و عارفه ربنا و ناس بتخاف على اللى بتقدمه
المهم ربنا يهدى
و ربنا يخليلنا انس الفقى وريث صفوت باشا الشريف

ماشى أقل ناس بتتفرج عليها بس كفايه ان هما اللى مثلوا وكفايه اللى بيعملوه

الله أعلم بالناس اللى انتا بتشوفهم دول لو كان بيخاف ربنا زى مهوه مبين مكنش اشتغل فى المديا أو معملش اللى يغضب ربنا
ربنا يهدى الجميع اللهم امين

بس على فكره الشغل فى الميديا فى حد ذاته مش حرام
و الميديا نفسها مش حرام
وفى حاجات اصلا معليهاش شبهه
يعنى انا لما بعمل مثلا اعلان للسعوديه عن اى منتج
بيبقى الممثلين لابسين حجاب و متغطيين يعنى معندهمش مشاكل
و ساعات بيبقى اغانى دينيه برامج دينيه
دى كلها حاجات عليها ثواب
و كمان الحاجات اللى فيها شك
من راى الشخصى ان مدام الهدف الاكبر صح يبقى ممكن نتخطى بع النقط
بمعنى انا مثلا عندى فيلم و بيتكلم عن اى مشكله كبيره مهمه و تفرق مع المثلمين
و حكمت الظروف ان فى مشهد يبقى فى البيت واحد و مراته فى غرفه نوم
متطلبش منى ان واحده فىغرفه نومها مع جوزها تبقى لابسه جلابيه سعودى و خمار
لكن هتبقى على الاقل لابسه لبس بيت
مش لازم يكون مغرى
و مش لازم اركز بالكاميرا على مفاتنها
بس على الاقل لازم اقدمها بشكل يسمح بانك تصدقنى
لانك لو فى لحظه خرجت بتركيزك من الفكره اللى بحاول اوصلهالك و رحت لازاى (الطريقه يعنى او الوسيله ) اللى بوصلك بيها الفكره مش هتستفيد من اللى انا عايز اقوله
و كل الناس فى العالم بتقر ان الافلام (اللى هيا شغلى ) او الاعلام يشكل عام هيا سلاح موثر جدا فى البشر
و بيحرك جواهم مشاعر كتير و بياثر فى افكارهم و تجاهاتهم
و بالتالى انا شايف ان المتدينين و الملتزمين لازم يعملوا سينما يقفوا بيها قدام سينما السبكى و مثيلاتها
و كمان زى ما عندنا نجوم مهمتهم اثاره الفتن و الغرائز يبقى عندنا نجوم مهمتها انها تصلح القيم و الاخلاق
و اكبر مثال على ده مسلسل عائله و نيس مثلا و القبول و نسب المشاهده الخياليه اللى حققها المسلسل وبرغم انه كان راقى جدا فى اسلوب توصيله للفكره
الجمهور بيدوق كويس و بيقدر يحكم
و على فكره فى افلام فى تقديمها كانت فيها حياء و بتتلكم عن افكار غايه فى الجرأه
زى فيلم النعامه و الطاووس
وده مفيهوش خجل لان لا حياء فى العلم ولا حياء فى الدين

المسلمين بالسيين طبعا بس العيب على الكى بورد
عذرا لاخطاء الكى بورد الاملائيه

أنا مقصدتش كل المديا لان أى حاجه فيها الحلو وفيها الوحش زى ما قولت بس المديا أغلبها وحش

وكمان انا ليه أحط نفسى فى موضع شبهه
وكمان ده الاختلاط حرام مبالك التمثيل Rolling Eyes

طب نرد فى موضوع لحسن تقولوا محمد دايما بيتكلم فى موضوع تانى

جزاك الله كل خير يا شيراز على الموضوع الجميل اوى ده وياريت يبقى فى دايما جديد منك عشان نستفاد فى الشهر الكريم ده يا ريت يا ريت يا ريت.....

شفتى انا حقانى فى كاريكاتير وحشتنى يا شوشو انا مطلع الاعلام وحش و من شياطين الانس
عشان تعرفى انى مبنفيش المسئوليه عن الاعلاميين
كان المفروض تمسكى فى خناقى و تتلككيلى
ايه الروح الرياضيه دى؟؟؟؟؟؟؟؟؟؟