ساهم لبقاء إسرائيل

والله عندك حق ولكن لاحياء لمن تنادى انتى بتنفخى فى قربه مقطوعه اقولك حاجه دخول السلع الامريكيه للدول العربيه اثر فى شبابها يعنى بيفخروا انهم اكلوا فى كنتاكى وشربوا كولا وكل ما هو مستورد من الغرب فاكرين انهم بكده حا يبقوا اجانب والا ايه وبعدين بكل صراحه انتى شايفه ان هو ده شعب مصر اللى حارب فى 67 او 73 لا والف مليون لا للاسف الشديد الجيل الجديد من الشباب اللى المفروض اننا نعتمد عليه فى حمايه الوطن نخر عظامه تقاليد الغرب والبدع الامريكيه فيه حد يعرف يعنى ايه قوميه ووطن وشهاده فى سبيل الله والوطن كله بيحلم بالسفر وعنده اسبابه المبرره للتخلى عن دوره فى بناء هذا البلد على فكره انا سافرت بعد ما اديت واجبى ودخلت حرب انا مش راضى عنها فى الخليج ولكن قمت بواجبى هتلر زمان بيقولوا انه قال اعطنى سلاح المانى وجندى مصرى اغزو العالم يا ترى لو هتلر عايش كان يقول نفس الشىالموضوع اللى انتى كتبتيه متشعب لانه لازمه الاول ايمان من انفسنا ان نعرف من هو عدونا وازاى نحاربه بدون خسائر يعنى ينقصنا كتير قوى علشان نفهم ونتعلم ونقرر وساعتها مش حا يبقى لينا حق تقرير مصيرنا لازمنا صحوه انتفاضه والله كل مره انزل مصر احس ان البلد اتغيرت واشعر انى غريب يارب تلاقى حد يقرا كلامك وياخد بيه وانا عن نفسى من قبل المقاطعه مقاطع لانى كمان ما بحبش لا المشروبات الغازيه ولا الاكل الامريكى وبطلت اشرب مارلبورواقسم بالله من اول يوم فى حرب الخليخ [/img]

اسمحولى بقا
الشباب دى لسه تقدر تحارب و تشبيل البلد و تبنى بلدين تلاته فوقيها
متسالش عصفور فى قفص انتا بتعرف تطير
يا عم هوا عمره اتفتحله القفص و مطرش
و بعدين نظريه الموامره دى واسعه شويه
ايوه هما يهمهم اننا نبقى مش احسن منهم
بس فى بلد لا فيها حقوق ولا فيها قانون ولا فيها شغل ولا فيها اكل ولا فيها احلام ولا فيها نفس نضيف ولا فيها حته نتفسح فيها ( غير دريم بارك و حديقه الازهر ) ولا فيها تعليم لعيالنا ولا فيها حد يرحمهم من السرطان اللى بقى فى كل عيله ولا فيها منافسه شريفه
معتقدش دلوقتى انى بتكلم على بلد
احنا بنتكلم على خرابه
و اكيد مفيش حد نفسه يعيش فى خرابه ولا هيلحم يرتقى بالمستوى الثقافى للخرابه و عمره هيفكر على توحيد المظهر الحضارى للخرابه
يا جدعان دى خرابه
بس خربت من سكوتنا
ودى الغلطه الوحيده اللى غلطناها اننا مقلناش عايزين حقنا
و كل ما هنسكت هتخرب زياده
الساكت عن الحق شيطان اخرس
يبقى اللعبه مش ان شبابنا شباب خرع
بس احنا اتعودنا على السكوت و رضينا بالهم و الهم مش راضى بينا

انسوا بقى يا جماعه المواضيع دى
الموضوع ده قديم و انتهى و ياريت يتشال او يتحذف ختى دفاعى عن نفسى عشان محدش يفتكر ان الموضوع لسه داير
انا لا اكن لاى شخص فى المنتدى الا مشاعر ايجابيه و يهمنى اننا نكون فى وفاق مع بعض بدون اى منغصات